രേഖകള്‍ ശരിയാക്കാനുള്ള സമയം മാര്‍ച്ച് നാലിന് അവസാനിക്കും; മുന്നറിയിപ്പുമായി ബഹ്റെെൻ
നിയമ വിധേയമല്ലാതെ രാജ്യത്ത് താമസിക്കുന്നവർക്ക് രേഖകൾ ശരിയാക്കാൻ സമയം പ്രഖ്യാപിച്ച് ബഹ്റെെൻ. മാര്‍ച്ച് നാലാം തീയ്യതിക്ക് മുമ്പ് തങ്ങളുടെ രേഖകള്‍ ശരിയാക്കണമെന്നാണ് ബഹ്റെെൻ അധികൃതർ നൽക്കുന്ന മുന്നറിയിപ്പ്. ഫ്ലെക്സി പെര്‍മിറ്റുകള്‍ നിര്‍ത്തലാക്കിയിട്ടുണ്ട്.
അത്തരം പെര്‍മിറ്റുകളിൽ ഉണ്ടായിരുന്നവരും തൊഴില്‍ രേഖകള്‍ ശരിയാക്കണം എന്നാണ് നൽക്കുന്ന മുന്നറിയിപ്പ്. അനുവദിച്ച സമയം കഴിഞ്ഞിട്ടും വിവിധ സര്‍ക്കാര്‍ വകുപ്പുകളുടെ സഹകരണത്തോടെ നിയമലംഘകർക്കെതിരെ ശക്തമായ നടപടി സ്വകരിക്കാൻ ആണ് തീരുമാനിച്ചിരിക്കുന്നത്. ലേബര്‍ മാര്‍ക്കറ്റ് റെഗുലേറ്ററി അതോറിറ്റി ആണ് ഇതുമായി ബന്ധപ്പെട്ട മുന്നറിയിപ്പ് നൽകിയിരിക്കുന്നത്.
അടുത്ത മാസം മുതൽ ആണ് പരിശോധനകൾ ആരംഭിക്കുന്നത്. ബഹ്റെെനിലെ എല്ലാ ഗവര്‍ണറേറ്റുകളിലും പരിശോധനകൾ ശക്തമാക്കും. നിയമലഘനം നടത്തി രാജ്യത്ത് താമസിക്കുന്നവരെ കണ്ടെത്തും. ആവശ്യമായ നിയമ നടപടികൾ സ്വീകരിക്കും സമയം അനുവദിക്കും ഇതിന് ശേഷം മാത്രമേ നാടുകടത്തിൽ നടപടികളിലേക്ക് പോകുകയുള്ളു. കാലാവധി കഴിഞ്ഞവരോ, ഫ്ലെക്സി പെര്‍മിറ്റുകളിലോ ഉള്ളവർ ആണെങ്കിൽ രേഖകള്‍ ശരിയാക്കാനുള്ള ലേബര്‍ രജിസ്ട്രേഷന് പ്രോഗ്രാം ഉപയോഗപ്പെടുത്താം.
എന്നാൽ കേസുകളിൽ പ്രതികൾ ആയവർക്കോ അല്ലെങ്കിൽ എന്തെങ്കിലും നിയമ പ്രശ്നങ്ങളിൽപ്പെട്ട് കിടക്കുന്നവരോ ആണെങ്കിൽ അവർക്ക് ഈ സംവിധാനം ഉപയോഗപ്പെടുത്താൻ സാധിക്കില്ല.
രേഖകൾ ശരിയാക്കാൻ ഉള്ളവർ അംഗീകൃത രജിസ്ട്രേഷന് സെന്ററുകള്‍ വഴി ബന്ധപ്പെടണം. പ്രവാസികള്‍ക്ക് തങ്ങള്‍ ലേബര്‍ രജിസ്ട്രേഷന് പ്രോഗ്രാമില്‍ പങ്കെടുക്കാന്‍ യോഗ്യരാണോ എന്ന് ആദ്യം പരിശോധിക്കണം. എന്നിട്ട് ബാക്കി കാര്യങ്ങൾ ചെയ്യണം. അല്ലെങ്കില്‍ ലേബര്‍ മാര്‍ക്കറ്റ് റെഗുലേറ്ററി അതോരിറ്റിയുടെ വെബ്‍സൈറ്റായ www.lmra.bh വഴിയോ അല്ലെങ്കില്‍ +97333150150 എന്ന നമ്പറിലേക്ക് ബന്ധപ്പെട്ടാൽ ആ വിവരം ലഭിക്കും. ഈ നമ്പറിലേക്ക് എസ്എംഎസ് അയച്ചാൽ മതിയാകും. അല്ലെങ്കിൽ ലേബര്‍ മാര്‍ക്കറ്റ് റെഗുലേറ്ററി അതോറിറ്റിയുടെ കോള്‍ സെന്ററില്‍ +97317103103 എന്ന നമ്പറിലേക്ക് വിളിച്ചും അന്വേഷിക്കാൻ സാധിക്കും.