പ്രവാസി മലയാളികൾക്ക് അവരുടെ പരാതികൾ ബോധിപ്പിക്കുന്നതിനായി കേരള പോലീസിൽ ഒരു പ്രത്യേക സെൽ പ്രവർത്തിക്കുന്നുണ്ട്.തിരുവനന്തപുരം പോലീസ് ആസ്ഥാനത്താണ് ഈ സെൽ പ്രവർത്തിക്കുന്നത്. (Gulf)
പോലീസ് സൂപ്രണ്ടിന്റെ നേതൃത്വത്തിലുള്ള എൻആർഐ സെൽ, ADGP ഹെഡ്ക്വാർട്ടേഴ്സിന്റെയും IGP ഹെഡ്ക്വാർട്ടേഴ്സിന്റെയും നേരിട്ടുള്ള മേൽനോട്ടത്തിലാണ് പ്രവർത്തിക്കുന്നത്.
പ്രവാസി മലയാളികളുടെയും അവരുടെ കുടുംബാംഗങ്ങളുടെയും പരാതികൾ മാത്രമാണ് എൻആർഐ സെൽ കൈകാര്യം ചെയ്യുന്നത്.
വിസ തട്ടിപ്പ്, ഏജൻസികളുടെ വഞ്ചനാപരമായ മാൻ പവർ റിക്രൂട്ട്‌മെന്റ്, മറ്റ് രാജ്യങ്ങളിലേക്ക്, പ്രത്യേകിച്ച് ഗൾഫിലേക്ക് സ്ത്രീകളെ കടത്തൽ, വിദേശ ജോലി സ്ഥലങ്ങളിൽ എൻആർഐകൾ നേരിടുന്ന ശാരീരികവും മാനസികവുമായ പീഡനം, തുടങ്ങിയ ആരോപണങ്ങളുമായി ബന്ധപ്പെട്ട ഹർജികൾ അന്വേഷിക്കുക എന്നതാണ് എൻആർഐ സെല്ലിന്റെ പ്രധാന ലക്ഷ്യം.
കേരള സർക്കാർ, മറ്റ് സർക്കാർ അധികാരികൾ, സംസ്ഥാന പോലീസ് മേധാവി എന്നിവർ മുഖേന ദുരിതബാധിതരിൽ നിന്ന് നേരിട്ട് ഈ ഓഫീസിൽ അപേക്ഷകൾ സ്വീകരിക്കുന്നു.
ലഭിച്ച പരാതികളിൽ പോലീസ് നടപടി അവശ്യമായവയെ അതാത് ലോക്കൽ പോലീസ് സ്റ്റേഷനുകളിലേക്ക് കൈമാറുന്നതായിരിക്കും.
പരാതികൾ spnri.pol@kerala.gov.in എന്ന ഇമെയിൽ വിലാസത്തിലേക്ക് അയയ്ക്കാവുന്നതാണ്.
കൂടുതൽ വിവരങ്ങൾക്ക്: ഇവിടെ നോക്കാം
ശ്രദ്ധിക്കുക
ഉത്തരവാദിത്വപ്പെട്ട സൈറ്റുകളെയും സ്ഥാപനങ്ങളെയും ഉദ്ധരിച്ചാണ് ഇവിടെ വിവരങ്ങൾ നൽകിയിരിക്കുന്നത്.കൂടുതലറിയാനായ് അവ സന്ദർശിക്കുക.