Ads Area

Difference Between Business, First, Economy class seats

ഫ്ലൈറ്റിലെ ഇക്കോണമി, ബിസിനസ്സ്,ഫസ്റ്റ് ക്ലാസ് സീറ്റുകൾ: ഇവ തമ്മിൽ എന്താണ് വ്യത്യാസം?

നമ്മളിൽ ഭൂരിഭാഗം പേരും കോച്ച് അല്ലെങ്കിൽ സ്റ്റാൻഡേർഡ് എന്നറിയപ്പെടുന്ന ഇക്കോണമി ക്ലാസ് ഉപയോഗിച്ചാണ് യാത്ര ചെയ്യാറ്, എന്നാൽ നല്ല യാത്രാനുഭവം കാംക്ഷിക്കുന്നവർക്ക് കൂടുതൽ സൗകര്യങ്ങൾ പ്രദാനം ചെയ്യുന്ന മറ്റൊരു ക്യാബിനിലേക്ക് അപ്‌ഗ്രേഡ് ചെയ്യാനുള്ള ഓപ്ഷൻ എപ്പോഴും ഉണ്ടായിരിക്കും.

വ്യത്യസ്‌ത കാബിൻ സീറ്റ് ഓപ്‌ഷനുകൾ നന്നായി മനസ്സിലാക്കാൻ, സാധാരണ ഇക്കോണമി, പ്രീമിയം ഇക്കോണമി, ബിസിനസ്സ്, ഫസ്റ്റ് ക്ലാസ് ടിക്കറ്റുകൾ എന്നിങ്ങനെയുള്ള വ്യത്യസ്ത ഫ്ലൈയിങ് ക്ലാസുകളിൽ ടിക്കറ്റെടുത്താൽ ലഭിക്കുന്ന സേവനങ്ങളിലെ വ്യത്യാസങ്ങൾ  എന്തൊക്കെയാണ് നോക്കാം.

ഓർക്കേണ്ട ആദ്യത്തേതും പ്രധാനപ്പെട്ടതുമായ കാര്യം, എല്ലാ സീറ്റ് സവിശേഷതകളും ആഡംബരങ്ങളും (അല്ലെങ്കിൽ അവയുടെ അഭാവം), നിങ്ങൾ ഏത് എയർലൈനിലാണ്  പറക്കുന്നത്,ഏത് വിമാനത്തിലാണ് നിങ്ങൾ സഞ്ചരിക്കുന്നത്, നിങ്ങൾ ഹ്രസ്വമോ ദീർഘമോ ആയ യാത്രയാണോ തിരഞ്ഞെടുക്കുന്നത് എന്നിവയെ ആശ്രയിച്ചിരിക്കുന്നു എന്നതാണ്.

മോമോണ്ടോയുടെ ക്യാബിൻ ക്ലാസ് ഫിൽട്ടർ ഉപയോഗിച്ച് നിങ്ങളുടെ അടുത്ത ഫ്ലൈറ്റിൽ ഏതൊക്കെ ക്യാബിൻ ഓപ്ഷനുകൾ ലഭ്യമാണ് എന്ന് നിങ്ങൾക്ക് കാണാൻ കഴിയും. ചുവടെ കൊടുത്തിരിക്കുന്ന ലിങ്കിലൂടെ നിങ്ങളുടെ അടുത്ത യാത്രയ്ക്ക് ലഭ്യമായ ഏറ്റവും വിലകുറഞ്ഞ ഫ്ലൈറ്റ് സീറ്റുകൾ അറിയാൻ കഴിയും👇

ഇവിടെ നോക്കാം

ഇക്കണോമി ക്ലാസ്

നിങ്ങളുടെ സാമ്പത്തിക സ്ഥിതിയ്ക്കനുസൃതമായി ഇക്കണോമി ക്ലാസിൽ നിങ്ങൾക്ക് സീറ്റുകൾ തിരഞ്ഞെടുക്കാം. എന്നിരുന്നാലും ചില വ്യത്യാസങ്ങളുണ്ട്, അവയിൽ ഏറ്റവും ശ്രദ്ധേയമായത് സീറ്റിന്റെ വീതിയും പിച്ചും (ലെഗ്റൂം-കാലു വയ്ക്കാനുള്ള സ്ഥലം) ആണ്.  പിച്ച് 28-34 ഇഞ്ച് മുതൽ 17-33 ഇഞ്ച് വരെ വ്യത്യാസപ്പെടാം. ഈ കുറച്ച് ഇഞ്ചുകൾ ഇതു വായിക്കുമ്പോൾ വലിയൊരു പ്രശ്നമായി തോന്നില്ലെങ്കിലും, നിങ്ങൾ ആ സീറ്റിൽ 6 മണിക്കൂറിൽ കൂടുതൽ സഞ്ചരിക്കേണ്ടതായി വരുമ്പോൾ  - അവ ശ്രദ്ധിക്കേണ്ടത് പ്രധാനമാണ്. പവർ ഔട്ട്‌ലെറ്റുകൾ, വൈഫൈ, ഭക്ഷണം, വിമാനത്തിനുള്ളിലെ വിനോദം, ടിവി സ്‌ക്രീൻ തരം, സേവന നിലവാരം എന്നിവയാണ് വ്യത്യാസപ്പെട്ടേക്കാവുന്ന മറ്റ് ഘടകങ്ങൾ.

പ്രീമിയം ഇക്കോണമി ക്ലാസ്- ഇക്കോണമി ക്ലാസിന്റെ തന്നെ ഒരു വകഭേദമാണിത്.ഇതു തിരഞ്ഞെടുക്കുമ്പോൾ ശ്രദ്ധിക്കുക;ചില ഫ്ലൈറ്റുകളിൽ, അവ തികച്ചും പ്രീമിയമല്ല, എന്നാൽ തീർച്ചയായും ഇക്കോണമി ക്ലാസിനെക്കാൾ ഒരു പടി മുകളിലാണ് 'ഇക്കണോമി പ്ലസ്' (അല്ലെങ്കിൽ ഇക്കണോമി കംഫർട്ട്, ഇക്കണോമി എക്സ്എൽ).  ഇത് അടിസ്ഥാനപരമായി അർത്ഥമാക്കുന്നത് എന്തെന്നാൽ നിങ്ങൾ ഇക്കോണോമിയുടെ അതേ സേവനത്തിലാണ്  പറക്കുന്നത് എന്നാണ്, എന്നാൽ നിങ്ങൾക്ക് കുറച്ച് അധിക ഇഞ്ച് ലെഗ് റൂമും സീറ്റ് റീക്ലൈനും ഉണ്ടായിരിക്കും.

ഇക്കോണമി ക്ലാസിനെക്കാൾ കുറച്ചു പണം കൂടുതൽ ചിലവാകുമെങ്കിലും ഇക്കോണമി പ്രീമിയത്തിൽ കുറഞ്ഞത് നിങ്ങളുടെ ഇരിപ്പിടം കുറച്ചുകൂടി വിശാലമായിരിക്കും, 

വിർജിൻ അമേരിക്ക ഇതിനെ മെയിൻ കാബിൻ സെലക്‌ട് എന്നും ബ്രിട്ടീഷ് എയർവേയ്‌സ് വേൾഡ് ട്രാവലർ പ്ലസ് എന്നും SAS അതിനെ SAS പ്ലസ് എന്നും വിളിക്കുന്നു.  എന്നാൽ എല്ലാം ഒന്നുതന്നെയാണ്. ഇക്കോണമി ക്ലാസിനെക്കാൾ കുറച്ചുകൂടി സൗകര്യങ്ങൾ പ്രീമിയം ഇക്കോണമി ക്ലാസിൽ ലഭിക്കും.

പ്രീമിയം ഇക്കോണമി ക്ലാസ് തെരഞ്ഞെടുത്താൽ നിങ്ങൾക്ക് വിമാനത്താവളത്തിൽ ഒരു പ്രത്യേക ലോഞ്ച് നൽകുന്നു, കൂടാതെ സീറ്റുകൾ ഇക്കോണമി ക്ലാസിൽ  നിന്ന് വ്യത്യസ്തമായ ക്യാബിനിലായിരിക്കും.  സാധാരണയായി, നിങ്ങൾക്ക് വലിയ പിച്ച്, വലിയ ടിവി സ്‌ക്രീനുകൾ, മികച്ച ഭക്ഷണം  വിശാലമായ സീറ്റ്, കൂടുതൽ ലഗേജ് അലവൻസ് എന്നിവ ലഭിക്കുന്നു. ഇവയെല്ലാം പറക്കുന്ന എയർലൈനിനെ ആശ്രയിച്ചിരിക്കും.

ബിസിനസ്സ് ക്ലാസ്

നിങ്ങൾ ഒരു തവണ ബിസിനസ് ക്ലാസിൽ പറന്നാൽ, പിന്നെ നിങ്ങൾക്ക് ഒരിക്കലും ഇക്കോണമി ക്ലാസിലെ സീറ്റിൽ  തൃപ്‌തിയുണ്ടാവില്ല.  ഇക്കോണമി ക്ലാസിനെക്കാൾ  പ്രീമിയം ഇക്കോണമി ക്ലാസിന്റെ 

നേട്ടങ്ങൾ എളുപ്പത്തിൽ കാണാൻ പ്രയാസമാണെങ്കിലും, പ്രീമിയം ഇക്കോണമി ക്ലാസിനെക്കാൾ ബിസിനസ് ക്ലാസിൽ പറക്കുന്നതിന്റെ നേട്ടങ്ങൾ പ്രകടമാണ്.ഇപ്പോൾ ബിസിനസ് ക്ലാസ് യഥാർത്ഥത്തിൽ വളരെ മികച്ചതായി മാറുകയാണ്, പല എയർലൈനുകളും അവരുടെ ഫസ്റ്റ് ക്ലാസ് സീറ്റുകൾ പൂർണ്ണമായും ഉപേക്ഷിച്ചു.

ചില എയർലൈനുകൾ, എയർപോർട്ടിൽ നിന്ന് നിങ്ങൾ ഒരു നിശ്ചിത ദൂരത്തിലാണ് താമസിക്കുന്നതെങ്കിൽ,ഡ്രൈവർ പിക്ക്-അപ്പ്, ഡ്രോപ്പ്-ഓഫ് സേവനവും വാഗ്ദാനം ചെയ്യുന്നു, അതായത് ഫ്ലൈറ്റിനനുസൃതമായി എയർലൈൻ തന്നെ ടാക്സി സർവീസും നൽകും.കൂടാതെ എയർപോർട്ടിൽ ഒരു പ്രത്യേക ലോഞ്ച് ഉണ്ട്, അവിടെ നിങ്ങൾക്ക് സൗജന്യ ഭക്ഷണ പദാർഥങ്ങളും പാനീയങ്ങളും ലഭിക്കുന്നതാണ്.

First class

വിമാനയാത്രയുടെ ഫസ്റ്റ് ക്ലാസ് സെലിബ്രിറ്റികളെയും അതിസമ്പന്നരെയും ഉദ്ദേശിച്ചുള്ളതാണ്. സ്വകാര്യതയും സീറ്റ് വലുപ്പവും മാറ്റിനിർത്തിയാൽ  ശ്രദ്ധേയമായ വ്യത്യാസം വിലയാണ്, ഫസ്റ്റ് ക്ലാസ് സീറ്റുകൾക്ക് ബിസിനസ് ക്ലാസ് സീറ്റുകളുടെ അഞ്ചിരട്ടി വരെ വിലയുണ്ട്.

ഒരു യാത്രക്കാരന്റെ എല്ലാ ആവശ്യങ്ങളും മുൻകൂട്ടി അറിയാൻ കഴിയുന്ന ഉയർന്ന പരിശീലനം ലഭിച്ച ജീവനക്കാർക്കൊപ്പം, ഒന്നാം ക്ലാസിലെ സേവന നിലവാരം സമാനതകളില്ലാത്തതാണ്.  

നിർദ്ദിഷ്‌ട ഫ്ലൈറ്റുകളുടെ സീറ്റുകളെക്കുറിച്ച് കൂടുതലറിയാൻ നിങ്ങൾക്ക് താൽപ്പര്യമുണ്ടെങ്കിൽ, പ്രത്യേക സീറ്റുകൾ, പ്രത്യേക വിമാനങ്ങൾ, പ്രത്യേക എയർലൈനുകൾ എന്നിവയെക്കുറിച്ചുള്ള വിശദാംശങ്ങൾ കണ്ടെത്താൻ Seat Expert പോലുള്ള സൈറ്റുകൾ നിങ്ങൾക്ക് എല്ലായ്പ്പോഴും പരിശോധിക്കാവുന്നതാണ്.  പകരമായി, എയർലൈനിന്റെ സൈറ്റിൽ അവരുടെ ഓരോ ക്ലാസുകളെയും വിമാനങ്ങളെയും കുറിച്ചുള്ള വിശദാംശങ്ങൾ ഉണ്ടായിരിക്കും.

താഴെയുള്ള ലിങ്ക് തുറന്ന് ലോകത്തുള്ള ഏത് എയർലൈനിന്റെയും സീറ്റ് വിന്യാസം അറിയാൻ കഴിയും. നിങ്ങൾ യാത്ര ചെയ്യുന്ന ഫ്ലൈറ്റിലെ ഇക്കോണമി,ബിസിനസ്,ഫസ്റ്റ് ക്ലാസ് സീറ്റുകൾ എങ്ങനെയാണ് ഓരോ എയർലൈനിലും വിന്യസിച്ചിരിക്കുന്നത് എന്നറിയാൻ ലിങ്ക് തുറക്കുക

ശ്രദ്ധിക്കുക

ഉത്തരവാദിത്വപ്പെട്ട സൈറ്റുകളെയും സ്ഥാപനങ്ങളെയും ഉദ്ധരിച്ചാണ് ഇവിടെ വിവരങ്ങൾ നൽകിയിരിക്കുന്നത്. കൂടുതലറിയാനായ് അവ സന്ദർശിക്കുക.

Top Post Ad

Below Post Ad